Əziz gənclər,

25 fevral 2021-ci il tarixində Bakı vaxtı ilə saat 15:00-da Xocalı soyqırımının 29-cu ildönümü ilə əlaqədar “Böyük Qayıdış” Gənclər Təşkilatının və Azərbaycanlı Tələbə və Məzunlar Platformasının (ASAP-Azerbaijani Students and Alumni Platform) təşkilatçılığı ilə onlayn anım tədbiri keçiriləcəkdir.

Tədbirdə 29 il əvvələ – tarixə qayıdış ediləcək, 1992-ci il fevralın 25-dən 26-na keçən gecə erməni qəsbkarları tərəfindən soydaşlarımızın başına gətirilən Xocalı faciəsi anılacaq, faciə qurbanları yad ediləcək, eləcə də bu amansız faciənin insanların həyatında qoyduğu dərin izlər xatırlanacaqdır. Xocalı soyqırımı və Azərbaycan həqiqətlərinin dünya ictimaiyyətinə çatdırılmasında, insanlığa qarşı törədilmiş bu ağır cinayətə obyektiv qiymətin verilməsi və tarixi, hüquqi ədalətin bərpa edilməsində gənclərimizin rolundan, bu istiqamətdə onların görə biləcəyi işlərdən danışılacaqdır.

Anım tədbirində rəsmi şəxslər, Xocalı şahidləri, Qarabağ müharibəsi qaziləri, gənclər təşkilatlarının nümayəndələri, xaricdə təhsil alan Azərbaycanlı tələbələr və gənclər iştirak edəcəkdir.

Tədbirə “Zoom” proqramı ilə qoşulmaq üçün qeydiyyatdan keçə bilərsiniz.

Qeydiyyat üçün link: https://bit.ly/Xocalı29

#BöyükQayıdış#ASAP#XocalıSoyqırımı#26Fevral#Xocalı29#XocalıyaƏdalət#JusticeForKhojaly