“44 Günün Qəhrəmanları” adlı layihə keçiriləcək
Azərbaycan Gənclər Fondu / Azerbaijan Youth Foundation dəstəyi, Azərbaycan Tələbə Gənclər Təşkilatları İttifaqının (Azerbaijan Student Youth Organizations’ Union) və “Böyük Qayıdış” Gənclər Təşkilatının birgə təşkilatçılığı ilə 7 oktyabr – 8 noyabr tarixlərində “44 Günün Qəhrəmanları” adlı layihə keçiriləcəkdir.
Cəmiyyətdə, tələbələr və gənclər arasında qəhrəman qazi və döyüşçülərimizin tanıdılması məqsədilə həyata keçirilən layihə zamanı paytaxt və regionda yerləşən, böyük tələbə kütləsinə malik ali təhsil müəsissələrində tələbələrimiz ilə Vətən müharibəsində iştirak edərək şücaət göstərmiş gənc qazilərimizin silsilə görüşləri təşkil olunacaqdır.
Görüşlər zamanı igidlərimiz tələbə gənclərə öz döyüş yollarından, yaşadıqları maraqlı hadisələrdən, Vətən müharibəsində ordumuzun döyüş əhval-ruhiyyəsindən danışacaq və onları maraqlandıran suallara ətraflı cavab verəcəklər.