“Böyük Qayıdış” Könüllülük Proqramına start verilir
“Böyük Qayıdış” Gənclər Təşkilatı İctimai Birliyi “#Böyük #Qayıdış” #Könüllülük #Proqramına start verir.
Proqramın əsas məqsədi təşkilatın fəaliyyətində könüllülərin fəal iştirakını təmin etmək, eləcə də gənclərin bilik və bacarıqlarının artırılmasına, fərdi inkişafına dəstək olmaq və Qarabağda dirçəlişə töhfə vermək üçün geniş könüllü şəbəkəsinin formalaşdırmaqdır.
“Böyük Qayıdış” Gənclər Təşkilatı İctimai Birliyinin fəaliyyətində yaxından iştirak etmək arzusunda olan və 18 yaşı tamam olmuş hər bir şəxs könüllü kimi qeydiyyatdan keçməklə proqrama qoşula bilər.
Qeydiyyat üçün link: https://boyukqayidish.az/konullu-ol/
Proqram çərçivəsində təşkilatın fəaliyyətinə qoşulan könüllülər üçün müxtəlif təlimlər təşkil olunacaq və onlar aşağıdakı istiqamətlərdə həyata keçirilən fəaliyyətlərdə rol alacaqlar:
- Qayıdışla bağlı maarifləndirmə və həssas qrupdan olan hədəf qrupu üçün həyata keçirilən sosial layihələrdə;
- Qarabağ tarixinin, mədəniyyətinin təbliği və Qarabağ həqiqətlərinin dünyaya çatdırılmasında;
- İşğaldan azad olunmuş ərazilərdə bərpa və quruculuq işlərində;
- Torpaqlarımızın yenidən dirçəldilməsi istiqamətində həyata keçirilən ekoloji aksiyalarda;
- Şəbəkələşmə, təşkilatın fəaliyyətinin daha geniş kütləni əhatə etməsində.
Qeydiyyatdan keç, #BizəQoşul #QayıdışınBirHissəsiOl